તાજેતરમા અમદાવાદ નજીકના ત્રિમંદીર અડાલજ ખાતે શ્રી સમસ્ત ગુજરાત બ્રહ્મસમાજ (રાજ્યકક્ષા) ડૉ. યજ્ઞેશભાઈ દવે તેમજ સાથી ભૂદેવોનાં સહયોગથી મેગા બ્રાહ્મણ બિઝનેસ સમિટ-૨ તેમજ બ્રહ્મ ગૌરવ એવોર્ડ-૨ નું આયોજન થયું હતું જેમાં ગુજરાત રાજ્ય સંગીત નાટય અકાદમી તેમજ શ્રી સમસ્ત ગુજરાત બ્રહ્મસમાજ (રાજ્યકક્ષા)ના સહયોગથી ગુજરાતનાં સુપ્રસિદ્ધ લોકગાયક શ્રી વિક્રમભાઈ લાબડીયા દ્વારા યાદગાર લોકડાયરો રજૂ કરવામાં આવ્યો હતો.
જેમાં સમગ્ર માહોલ “જય પરશુરામ, મહાદેવ હર”નાં નાદથી ગુંજી ઉઠ્યો હતો. સાથોસાથ ગુજરાતી લોકસંગીતમાં વર્ષોનાં પ્રદાન તેમજ ઉપલબ્ધિઓ બદલ શ્રી સમસ્ત ગુજરાત બ્રહ્મસમાજ(રાજ્યકક્ષા) દ્વારા લોકગાયક તરીકે વિક્રમભાઈનું બ્રહ્મ ગૌરવ એવોર્ડ, સર્ટીફિકેટ તથા મેડલ દ્વારા સન્માન પણ કરવામાં આવ્યું હતું.
